जीटीए प्रमुख अनित थापाले विभागीय अधिकारीहरूसित कुरा गरी मिरिक नगरपालिका वार्ड नम्बर पाँच कृष्णनगरबासीको समस्या समाधान गरिदिने आश्वसन दिएका छन्। कृष्णनगरबासीले कृष्णनगर क्लबमा थापासित भेट गरि कृष्णनगरमा एउटा कार पार्किङ निर्माण गरिदिने, सिक्किमको एमजी मार्ग जस्तै सडक कृष्णनगरमा निर्माण गरिदिने अनि कृष्णनगर क्लब भवनको बढोत्तरी गरिदिने अनुरोध गरेका थिए। थापाले भवनको बढोत्तरी चाँडै गरिदिने अनि कार पार्किङ र सडक मार्गप्रति विभागीय अधिकारीहरूसित कुरा गरेपछि पहल गरिदिने आश्वसन दिए। यस अवसरमा क्षेत्रीय सभासद मिलेस राई,कार्यकारी सभासद अरूण सिग्ची आदि पनि उपस्थित थिए।
यस अवसरमा बोल्दै कृष्णनगर क्लबका अध्यक्ष अरबीन आङला सुब्बाले कृष्णनगरमा कुनै वाहन नरोकिने हुनाले कृष्णनगर सुनसान बन्नका साथै व्यापार बाणिज्य ठप्प भएकोले कार पार्किङ र एमजी मार्ग जस्तै सडक निर्माण गरिदिने अनुरोध कृष्णनगरबासीले गरेको बताए।
भारतका विभिन्न भागहरूमा खाना पकाउने ग्यास सिलिन्डरको अभाव
Bijoy Chetri
March 10, 2026
