कालेबुङमा नेपाली नयाँ बर्ष हर्ष उल्लासको साथ पालन कालेबुङबासीले हरेक बर्ष नेपाली नयाँ बर्ष हर्ष उल्लास को साथ पालन गर्दै आएका छन। यसैक्रममा आज पनि नयाँ बर्षको सुअवसरमा कालेबुङ शहरमा भब्यताको रैली निकाल्ने कार्य सम्पन्न भयो।आयोजित रैलीमा इण्डियन गोर्खा जन शक्ति फ्रण्ट,को केन्द्रीय संयोजक अजय एडवाडर्स स्वयम उपस्थित भएका थिए।त्यसरी नै कालेबुङ विधानसभा आसनको आईजीजेएफ उम्मेद्वार भेर्नोन व्रिटो लेप्चाले पनि सहभागिता जनाएका थिए। बंगाल विधानसभा चूनावको क्रममा पनि इण्डियन गोर्खा जन शक्ति फ्रण्ट संयोजक अजय एडवाडर्सले आफ्नो चूनावी प्रचारको कार्यलाई छोडेर नेपाली नयाँ बर्षको रैलीमा अंश ग्रहण गरयो।यसै संदर्भमा इण्डियन गोर्खा जन शक्ति फ्रण्ट,को उम्मेद्वार भेर्नोन व्रिटो लेप्चाले हामी कालेबुङबासीले हरेक बर्ष नेपाली नयाँ सालको शुभावसरमा रैलीहरू निकाल्ने गर्छौ,त्यही अनुरूप आज पनि रैली निकाल्ने कार्य सम्पन्न भयो।नेपाली नयाँ सालको रैलीमा जात,धर्म सबै थोक पर राखेर हामी नेपाली गोर्खा हौ भन्ने सोच लिएर रैलीमा सहभागिता जनाउछौ यो नै हामी कालेबुङबासीको एकता रहेको तिनले बताए।इण्डियन गोर्खा जन शक्ति फ्रण्ट,को म प्रार्थी हो तर पनि आज म यो नेपाली नयाँ बर्षको रैलीमा अंश ग्रहण गर्न आएको छु,जातिया एकताको कार्यहरूमा सहभागिता जनाउनु पाउदा मलाई धेरै खुशी लाग्छ भन्ने लेप्चाले बताए।
