दार्जीलिङ,23 जनवरी(निसं):दार्जीलिङको नगरपालिको क्यापिटल भवनमा गोर्खे हाट पसलको आयोजनामा दार्जीलिङ नगरपालिकाद्वारा निर्मित, गोर्खे हाट बजार म्युजिक भिडियोको विधिवत सार्वजनिक गरिएको छ। उक्त कार्यक्रम दार्जीलिङ नगरपालिका अध्यक्ष दिपेन ठकुरीको प्रमुख आतिथ्य, नगर पार्षद क्रमैले गणेश सार्की, मणि लामा, उषा राई, रत्न लामा साथै यस म्युजिक भिडियोका गायक राजु राई, गीतकार संगीत संयोजक संगीतकार धिरेन्द्र लामाको विशिष्ट आतिथ्यमा सम्पन्न गरियो। कार्यक्रमका प्रमुख अतिथि विशिष्ट अतिथिको बाहुलीबाट गोर्खे हाट बजार म्युजिक भिडियोको लोकार्पण गरिएपछि प्रमुख अतिथि दिपेन ठकुरीद्वारा म्युजिक भिडियो विधिवत लोकार्पण भएको आधिकारिक घोषणा गरियो। उक्त कार्यक्रमलाई प्रमुख अतिथि अनि विशिष्ट अतिथिहरूले सम्बोधन गर्दै गोर्खे हाट गुन्द्री बजारलाई सफलतापूर्वक सञ्चालन गर्दै लाने अनि गोर्खे हाट बजारको गरिमालाई यथावत अनुशासित रुपमा सञ्चालन गर्ने बताए। म्युजिक भिडियोको लोकार्पणपछि कार्यक्रममा सहभागी सम्पूर्ण अतिथिवर्ग साथै गोर्खे हाट पसलका सम्पूर्ण प्रतिनिधि अनि सदस्यहरूमा गायक राजु राईद्वारा आभार प्रकट गर्दै धन्यवाद दिए भने संगीतकार धीरेन्द्र लामाले एल्बममाथि आफ्नो मन्तव्य राखेका थिए। आज लोकार्पित गरिएको यस म्युजिक भिडियोका गायक राजु राई रहेका छन् भने शब्द संगीत धीरेन्द्र लामाको रहेको छ। अनि यस म्युजिक भिडियोलाई सम्पादन छायाङ्कन अनि परिकल्पना विद्युत हामीले गरेको छ भने ड्रोन सञ्चालक किशन राई रहेका छन्। यसको साथै क्यामेरामा दीक्षित यल्मो अनि मिक्सिङ मास्टरिङ रहेको छ। जीवन प्रकाश प्रधानको। यसै समारोहमा प्रमुख अतिथि साथै विशिष्ट अतिथि वर्गमा आयोजकको पक्षबाट स्मृति चिन्ह अनि उपहारहरू प्रदान गरियो।
