असमको गुवाहाटी नरेङ्गी क्षेत्रअन्तर्गत कलिताकुची (२ नं. बिर्कुची) निवासी अनमोल कान्छी नाउँले चर्चित अनमोल शर्मा तिवारीले इतिहास रचेकी छिन्। उनी पहिलो गोर्खाली युवती बनेकी छिन्, जसले सफलतापूर्वक ट्रेन सञ्चालन गर्ने समाजमा नयाँ उदाहरण प्रस्तुत गरेकी छिन्। अनमोल शर्मा तिवारीका पिता अखिल प्रकाश शर्मा र माता शकुन्तला शर्मा हुन्। सामान्य परिवारबाट आएकी अनमोलले आफ्नो मेहनत, लगनशीलता र आत्मविश्वासका कारण यस्तो उपलब्धि हासिल गरेकी हुन्। अनमोल नृत्यकलाका पनि पारखी हुन्।
उनी कोरियो ग्राफरको रुपमा आफ्नो प्रतिभाको प्रदर्शन गर्दै आएकी छिन्। यस उपलब्धिले केवल उनको परिवारलाई मात्र होइन, सम्पूर्ण गोर्खाली समुदायलाई गर्वान्वित बनाएको छ। विशेषगरी महिलाहरूका लागि यो प्रेरणादायी उदाहरण बनेको छ, जसले देखाउँछ कि दृढ इच्छाशक्ति र निरन्तर प्रयासले कुनै पनि लक्ष्य हासिल गर्न सकिन्छ। उनले सानैदेखि नृत्यमा रुचि त राख्थिन् नै, यसका साथै ट्रेनको पाइट हुन पाए कति राम्रो हुन्थ्यो भनेर कल्पना गरिरहन्थिन्। यसैक्रममा अब चाँहि पक्कै ट्रेनको पाइट हुन्छु भनेर निश्चय गरिन्।
यसरी उनले सम्बन्धित विषयमा जानकारी जुटाएर परीक्षामा सफलसता प्राप्त गरिन्। आज यसरी उक्त स्थान प्राप्त गरेकीमा खुबै हर्ष प्रकट गरिन्। उनले यी सब हुनुमा आफ्ना आमा-बुवार सम्मानित मानिसहरूको आशीर्वाद रहेको बताइन्।
