गोर्खा वेलफेयर एसो.द्वारा भाषा मान्यता दिवस पालन

गोर्खा वेलफेयर एसोसिएसन, सालुगड़ाको तत्वावधानमा ३४औं नेपाली भाषा मान्यता दिवस धुमधामले पालन भयो। उक्त समारोहमा सर्वप्रथम एशोसिएसनका अध्यक्ष राजु शाशंकरको बाहुलीबाट द्वीप प्रज्वलन गरिए पश्चात् संगठनका महासचिव गणेश मंगरले स्वागत भाषण राखे। सङ्गठनका सल्लाहकारद्वय डा. शरण कुमार रिजाल अनि जोनी तामाङले नेपाली भाषा सम्बन्धी स्तरीय सम्भाषण राखे। सङ्गठनका साहित्य प्रभारी भुवन क्षेत्रीले सञ्चालन गरेको उक्त समारोहमा भुवन क्षेत्री स्वयंले पनि भाषाबारे दुई शब्द राखे अनि राजु शाशंकरद्वारा कविता पाठ गरियो।