गोर्खा राष्ट्रिय नारी संगठन चुङथुङ मेरिबुङ तामसाङ समष्टि अन्तर्गत लिङ्गे प्रशाखाको सांङठनिक सभा गोरानासं केन्द्रीय समिति सचिव अजिला राईको सभापतित्वमा सम्पन्न भयो। सभामा समष्टि अध्यक्षा मन्दिरा राई सचिव अर्पिता राई साथै समष्टि प्रतिनिधिवर्ग उपस्थित रहेका थिए।
साङ्ठनिक सभामा समष्टिलाई बलियो बनाउन हेतु नारी संगठनको आवश्यकता रहेको साथै जाति र माटोको उन्मुक्तिको निम्ति नारी संगठनले अहम भुमिका निभाउँदै आएको कारण अब यो अन्तिम संघर्षमा नारी संगठन अगि आउनु पर्ने साथै गोर्खा राष्ट्रिय मुक्ति मोर्चा केवल जाति र माटोको उन्मुक्तिको अडिग रहेको छ। जबसम्म जाति र माटोले भारत देशको संवैधानिक प्रावधान अनुरुप राजनैतिक समाधान हुँदैन, तबसम्म हामी बलियो भएर अगि बड्नु पर्छ। पार्टी अध्यक्ष मन घिसिङले भारत सरकारसंग निभाउनु पर्ने भुमिका बुझाउनु पर्ने सबै कार्य सकिसकेका छन्। अब भारत सरकारको पालो हो मुख खोल्ने। यसैकारण हामी नानाथरीको कुराहरुमा भुलिनु नहुने सांङ्ठनिक सभामा अजिला राईले बताइन्। यसक्रममा सभामा सर्वसम्मतिले लिङ्गे प्रशाखाको अध्यक्षा पदमा मेनुका सुब्बा, उपाध्यक्षा सुनिता सुब्बा, सचिवमा सिनोरा खवास, सहसचिवमा तारा राई, कोषाध्यक्षामा सिनोरा खवास अनि रेजिना मास्के सर्वसम्मतिले चयन गरिएका छन्। यसैगरी कार्यकारिणी सदस्याहरुमा अजिला देवान, श्वेता देवान, बिन्दिया तामाङ चयन गरिएकी छिन्। नवगठित प्रशाखाका प्रतिनिधिवर्गलाई समष्टिकी अध्यक्षा मन्दिरा राई अनि सचिव अर्पिता राईले श्रद्धा लगाएर वधाइ अनि शुभकामना दिंदै नारी संगठनलाई बलियो बनाउन पार्टीको सिद्धान्त अनि अनुशासनमा रहेर जाति र माटोको हितको निम्ति कार्य गरिदिने निवेदन गरिन्।
