मिरिककाे प्रतिष्ठित लुविस अग्रेजी स्कूलले स्थापनाकाे पचास वर्षे स्वर्ण जयन्ती वर्षव्यापी पालन गर्ने क्रममा शुक्रबार अभिभावक अनि मिरिकका गण्यमान्य ब्यक्तिहरूलाई सहभागी गराई रङ्गारङ्ग साँस्कृतिक कार्यक्रम प्रस्तुत गरियाे। हिजो 24 सेप्टेम्बरमा अन्तर विद्यालय दाैड प्रतियोगिताको आयाेजना गरेकाे थियाे। शनिबार कार्यक्रम अन्तर्गत भूतपूर्व विद्यार्थी संगठनले विविध कार्यक्रम आयाेजना गर्ने भएको छ। शुक्रबार लुविस अग्रेजी स्कूलमा आयोजित रङ्गारङ्ग साँस्कृतिक कार्यक्रममा वर्तमानमा अध्यनरत विद्यार्थीहरूले गीत ,नृत्य आदि प्रस्तुत गरेर उपस्थित सबैलाई मनाेरन्जन प्रदान गरे। कार्यक्रममा जुबली गीत, मारूनी नृत्य, शास्त्रीय नृत्य लगायत अन्य नृत्यहरू प्रस्तुत गरेका थिए। कार्यक्रममा कवि विचन्द्र लगायत पर्यावरणविद एलबी देवान, मिरिक उमाविका भूतपूर्व प्रधान अध्यापक गजेन्द्र गुरूङ, रसदल गाउँ जुनियर हाई स्कूलका शिक्षक प्रभारी अजम प्रधान ,सभासदहरू मिलेस राई, धुर्ब बम्जन लगायत धेरै विशिष्ट ब्यक्तिहरूकाे गरिमामय उपस्थिति रहेकाे थियाे। यस अवसरमा बाेल्दै स्कूलका संस्थापक निर्देशक लियाेनार्ड सुब्बाले लुविस अग्रेजी स्कूलकाे पचासाैं स्थापना दिवस भव्य अनि सभ्यरूपमा पालन गर्न पाउनु सुखद क्षण रहेकाे बताउँदै उक्त कार्यक्रमलाई भब्य बनाउन स्कूलका पूर्व विद्यार्थीहरूकाे सक्रियता र भूमिका अहम रहेकाे बताए।
