दार्जीलिङ,24 जुलाई निसं(निसं): गोर्खा राष्ट्रिय मुक्ति मोर्चा(गोजमुमो) दार्जीलिङ ब्राञ्च कमिटीद्वारा आगामी 27 जुलाईका दिन शहीद दिवस पालन गरिने भएको छ। यस सन्दर्भमा दार्जीलिङ ब्राञ्च कमिटी अध्यक्ष एमजी सुब्बाद्वारा जानकारी दिदै भनेका छन्, दार्जीलिङ ब्राञ्च कमिटीका 14 वटा समष्टिमा अवस्थित शहीद वेदीहरुमा श्रद्धाञ्जली समारोहको आयोजना गरिनेछ। एमजी सुब्बाले बताए अनुसार, प्रत्येक समष्टिमा उपस्थित गोरामुमोका स्थानीय नेतृत्व, भ्रातृ संगठनका सदस्यहरू तथा पार्टी कार्यकर्ताहरूले आ-आफ्नो स्थानमा भेला भई शहीदहरूप्रति श्रद्धाञ्जली अर्पण गर्दै सम्मान जनाउने छन्।
एमजी सुब्बाद्वारा सम्पूर्ण गोरामुमो नेतृत्वबर्ग , भ्रातृसंगठन अनि कार्यकर्ताहरुले आगामी 27 जुलाईको दिन शहीदहरूलाई स्मरण गर्दै श्रद्धा प्रकट गर्न आ-आफ्नो समष्टिमा सहभागिता जनाउन अपिल गरेका छन्।
