खरसाङको धोबी खोला नजिक राष्ट्रिय राजमार्ग 110 अनि रेलको लिक किनारमा रहेको मैलादानीमा फोहोर-मैला थुप्रिने क्रम जारी रहेको छ। यस स्थानमा फोहोर-मैलाको थुप्रोले मैलादानी भरिएर बाहिरसम्म फैलिएको अवस्थामा रहेको पाइन्छ। यो मैलादानीमा मानिसहरूले बोरामा फोहोर-मैला भरेर थुपार्ने गरेका छन्। यो मैलादानीमा फोहोर-मैला नफाल्न भनी विगतमा नगरपालिकाले सूचनासम्म टाँसेको थियो, तथापि फोहोर-मैला फालिने क्रम अहिलेसम्म बन्द भएको छैन। यस स्थानबाट नियमित फोहोर-मैला उठाउने कार्य पनि भएको छैन। यहाँ फोहोर-मैला थुपारिने हुँनाले फोहोर-मैलामा बाँदरहरू आउने गरेकोले स्थानीयहरू दिक्क बनेको गुनासो छ। यस स्थानमा राष्ट्रिय राजमार्ग 110 अनि रेलको लिक किनारमा फोहोर-मैला फालिएकोले पहाड़ घुम्न आउने पर्यटकहरूमा नकारात्मक असल पर्ने गरेको पनि मानिसहरूको भनाइ रहेको छ।
