जी के शर्मा भट्टराईको सातौं कृति उपन्यास “मूल घर”को विधिवत लोकार्पण शुक्रबार भयो। सिलगढी स्थित दार्जीलिङ सिक्सटी प्लस (60+) संस्थाको कार्यालयमा विशिष्ट व्यक्तित्वहरूको उपस्थितिमा यो “मूलघर ” उपन्यासलाई विधिवत लोकार्पण गरियो। संघका अध्यक्ष पीएस घिमिरे, वरिष्ठ विद्वान नाटककार साहित्यकार युवराज काफ्लेको विशेष उपस्थिति साथै संस्थाका संयुक्त सचिव केदारनाथ शर्मा, विशिष्ट समाजसेवी बीबी विश्वकर्मा, मोहन क्षेत्री र दुर्गा साम्बा सुब्बा आदिको उपस्थितिमा लोकार्पण गरियो। सिक्किम अकादमीबाट प्रकाशित “मूल घर”को विधिवत लोकार्पण केही दिनअघि गान्तोकमा गरिएको थियो भने दोस्रोपटक सिलगढीमा लोकार्पण गरिएको हो।
