स्वतन्त्रता सेनानी प्रयात पूर्ण बहादुर छेत्री स्मृतिमा दोस्रो वार्षिक अन्तरगाउँ क्रिकेट प्रतियोगिताको आयोजनाको आयोजना 26 जनवरीदेखि शुरू हुने भएको छ। तामुलपुर जिल्लामा आजाद हिन्द फौजका स्वतन्त्रता सेनानी प्रयात पूर्ण बहादुर छेत्री स्मृतिमा दोस्रो वार्षिक अन्तरगाउँ क्रिकेट प्रतियोगिताको आयोजना गरिएको छ।
अखिल असम गोर्खा छात्र संघ, पूर्व डेफेली आञ्चलिक समितिको उद्योग तथा सम्पूर्ण शाखा समितिको सहयोगमा आयोजना गरिएको यस खेल प्रतिस्पर्धा आगामी २६ जनवरीबाट भोलाझार बंगालीपाडा हाईस्कूलको खेल मैदानमा सम्पन्न हुनेछ।
आजाद हिन्द फौजका सिपाहीको रूपमा स्वतन्त्रता संग्राममा होमिएर पनि ओझेलमै रहेका महान स्वतन्त्रता सेनानी प्रयात पूर्ण बहादुर छेत्रीलाई खेलद्वारा नयाँ पुस्तालाई चिनाउनुको साथै ग्रामीण क्षेत्रका खेल प्रतिभाहरूलाई एउटा मञ्च प्रदान गर्ने उद्देश्यले यस खेल प्रतियोगिताको आयोजना गरिएको हो।
सो खेल प्रतिस्पर्धामा क्रिकेट टोलीहरूको सक्रिय सहभागिता र क्रिकेटप्रेमी जनताको बाक्लो उपस्थितिको लागि आह्वान गरेका छ आयोजक समितिले। खेल प्रतियोगिता सन्दर्भमा अधिक जानकारीका लागि मोबाइल नम्बर 87618 37793 अथवा 84865 70899 मा सम्पर्क गर्न सक्नेछन्।
