र्खाल्याण्ड क्षेत्रीय प्रशासन पन्चायत अनि ग्रामीण विकास विभागको तत्वावधानमा बिहीबार एउटा शिलान्यास कार्यक्रम आयोजन गरिएको थियो। जहाँ गोर्खाल्याण्ड क्षेत्रीय प्रशासनका मुख्य कार्यपाल अनित थापाले प्रधानमन्त्री ग्राम सडक योजना मार्फत निर्माण कार्य गरिने सातवटा सडक निर्माण अनि मरमति कार्यको विधिवत शिलान्यास गरे। फुवागढी सार्वजनिक भवनमा भएको शिलान्यास कार्यक्रममा जीटीए प्रमुख अनित थापाले शिलान्यास गरेका सडकहरू सौरेनी बजारदेखि दस नम्बर फाटकसम्म सडक निर्माण कार्य रहेको छ भने खर्वनीदेखि दूधे हुँदै नोलसम्म, हल्लनेदेखि तोकलाङ बस्तीसम्म, उत्तर च्याँगादेखि पूर्व च्याँगा बस्तीसम्म, एसएच12 देखि तोकलाङ बस्तीसम्म, एसएच12 देखि ओकेटी फाटकसम्म अनि एसएच12 देखि ओकेटी खडका गाउँसम्म सडक मरमति कार्य रहेको छ।
