टुङ-सन्तमेरिज समष्टि अन्तर्गत सन्तमेरिज 2 ग्राम पञ्चायत अधीनस्थ गोथल्स साइडिङमा सार्वजनिक भवनको नव निर्माणको निम्ति विधिवत् पूजा अर्चनाको साथ शिलान्यास गरियो। समष्टिका सभासद नुरी शेर्पाको विशेष उपस्थितिमा विधिवत् रुपले पूजा अर्चना गरी शिलान्यास कार्य सम्पन्न गरियो। यो क्षेत्रको पचास बर्ष पार गरिसकेको उक्त समाज-को सञ्चालनमा एउटा समाज घर रहे तापनि गाउँकै अलिक पारी अर्को क्षेत्रका वासिन्दाहरुको गुनासो तथा ग्रामवासीहरुको सुख-सुविधालाई मध्यनजर राख्दै गोर्खाल्यान्ड क्षेत्रीय प्रशासन सभासद कोषबाट निर्माण हुने तय भएपछि शिलान्यास गरियो।
