खरसाङ, (निसं): खरसाङ गिद्ध पहाड़ संग्लग्न क्षेत्रमा बुधवार राति एउटा फरेस्ट फायरको घटना प्रकाशमा आएको छ । प्राप्त जानकारी अनुसार, बुधवार राति लगभग 7 बजे गिद्ध पहाड़ संग्लग्न क्षेत्रको जंगलमा स्थानीय मानिसहरूले जंगलमा लागेको आगो बढ़र आइरहेको देखेपछि, आगो गाउँ-घरसम्म नफैलियोस् भननी खरसाङ अग्निशमन विभागलाई सूचित गरेका थिए। सूचना पाएपछि खरसाङ अग्निशमन केन्द्रको एउटा टोली आगो लागेको स्थलमा गएर आगोलाई नियन्त्रण ल्याए। अग्निशमन विभागका कर्मचारीहरूले आगोलाई समयमा नियन्त्रणमा ल्याका हुनाले गाउँ क्षेत्रमा फैलन पाएन। ज्ञात रहोस् सुखाको मौसममा प्रायः नै यस्ता जंगल क्षेत्रहरूमा संगै आवशीय क्षेत्रमा आगलागीको घटनाहरू विभिन्न कारणले घट्ने गर्छ, यसैले सुखाको मौसममा जनसाधरण सचेत रहनु पर्ने आवश्यक्ता रहेको छ। अग्निशमन विभागका कर्मचारीहरूले पनि यस्तै सुझाउ जनसाधरणलाई दिएका छन्।
