पोख्रेबोङ एकता परिवारको पाँचौं वार्षिकोत्सव

पोख्रेबोङ क्षेत्रको एक सक्रिय तथा पञ्जीकृत गैरसरकारी संस्था ‘एकता परिवार’ले आज आफ्नो स्थापनाको पाँचौं वार्षिकोत्सव उत्साहपूर्वक पालन गरेको छ। सामाजिक सेवामा निरन्तर लागिरहेको संस्थाले विगत पाँच वर्षको तिता–मीठा अनुभवलाई सम्झँदै केक काटेर वार्षिकोत्सव मनायो।
समारोहमा संस्थाका अध्यक्ष अमीर राई, सचिव राजेश खवास लगायत संस्थाका अन्य सदस्यहरूको उपस्थिति रहेको थियो। कार्यक्रममा विगत वर्षहरूमा गरिएको सामाजिक कार्यहरूको समीक्षा गर्दै आगामी दिनहरूमा अझ प्रभावकारी रूपमा समाजसेवामा योगदान पुर्याषउने अठोट व्यक्त गरिएको छ। संस्थाले शिक्षा, स्वास्थ्य, वातावरण संरक्षणजस्ता विविध क्षेत्रमा उल्लेखनीय कार्य गर्दै आएको छ। पाँच वर्षको यात्रामा संस्था सशक्त रूपमा अघि बढेको र अझ संगठित भएर समुदायको सेवामा लागिरहने प्रतिबद्धता अध्यक्ष अमिर राई एवं सचिव राजेश खवासले कार्यक्रमका क्रममा जाहेर गरे।