सिल-जलपाईगढी गोर्खा फूलपाती शोभायात्रा उत्सव समिति’को व्यस्तता

आउँदो फूलपाती शोभायात्राको निम्ति ‘सिलगढी जलपाईगढी गोर्खा फूलपाती शोभायात्रा उत्सव समिति’ एक महिना अघिदेखि नै व्यस्त छ। यो समिति बीस/बाइसवटा क्षेत्रीय समितिहरूद्वारा संगठित रूपमा बनिएको हो। उक्त समितिले यस वर्ष चौथो वर्षको रूपमा फूलपाती सांस्कृतिक उत्सव पालन गरिरहेको छ। समितिको नियमानुसार यस समितिमा सम्मिलित समितिहरूमा पालैपालो एउटा संगठनले आयोजकको रूपमा भार लिनु पर्दछ। यस वर्षको आयोजकको दायित्व ’दुर्गानगर नेपाली समाज’ले लिएको छ। यो शोभायात्रा सेभोक रोडको विशाल सिनेमा हलदेखि पानीट्याङ्कीसम्म पुगेर फेरि फर्केर माखनभोग सम्मुखीन बाटो हुँदै शिवमन्दिर आश्रमपाडामा पुग्ने छ। यस शोभायात्रा मा बीस/बाइसवटा संगठनको आ-आफ्नो ब्यानरमा पदयात्रा हुनेछ जसमा मादलको धिन्ताङमा मालश्री गीत, लोकगीत र भक्तिगीतहरू गुञ्जिने छ। शोभायात्रा सकिएपछि गोर्खा शिवालय परिसरमा साँस्कृतिक कार्यक्रम पनि आयोजन गरिनेछ।