गोर्खा राष्ट्रिय मुक्ति मोर्चाले आफ्नो संगठनलाई बिस्तार गर्दै गोर्खा राष्ट्रिय नारी संगठन केन्द्रीय समिति गठन गरेका छन् । आज कालेबुङ शेर्पा गाउँ ब्लक नम्बर एकमा गोरामुमो अध्यक्ष मन घिसिङको अध्यक्षतामा बसेको सांङ्ठनिक सभामा गोरानासं केन्द्रीय समिति गठन भएको पार्टीका मिडिया सेल प्रभारी दिनेस साम्पाङले जानकारी दिएका छन् । ब्लक एकका अध्यक्ष लाक्पा शेर्पाको उपस्थिति मा सचिव बिकास मुखियाले सांङ्ठनिक सभालाई संचालन गरेका थिए ।
सभामा सर्वसम्मतिले मणिकला तामाङलाई गोरानासं केन्द्रीय समितिको अध्यक्षा पदमा अनि कमला तामाङलाई उपाध्यक्षा पदमा चयन गरिएका छन् । यसैगरी सेक्रेटरी जनरलमा उमा छेत्री , अमृता थापा ,रिना भुजेल ,अर्पना भारती ,सह सेक्रेटरी जनरलमा अजिला देवान , पुष्प लामा, अनिता तामाङ,सकुन तामाङ,अनि बिमला राई चयन भएका छन् । यसैगरी कोषाध्यक्षामा शान्ती लामा अनि बिना मोक्तानलाई चयन गरिएका छन् । यसैगरी कार्यकारिणी सदस्याहरुमा लिलावती परिवार, शुश्मा थिङ, प्रेना शेर्पा, रन्जना तामाङ, रुबिना लामा, रत्ना प्रधान , रमा शर्मा , बिना प्रधान , कल्पना राई , सरु तामाङ , सकुन्तला मेरि अनि धनमाया राईलाई चयन गरिएका छन् ।
पार्टी अध्यक्ष मन घिसिङ द्वारा नव गठित केन्द्रिय समिति प्रतिनिधि अनि कालेबुङ गोरानासंका प्रतिनिधिबर्गलाई खदा लगाएर बधाई अनि शुभकामना दिदै पार्टीको सिद्धांत अनि अनुशासनमा रहेर संगठन लाई बलियो बनाउदै जाति र माटोको उन्मुक्तिको कार्य गर्नु पर्ने दिशानिर्देशन दिएका छन् । गोर्खा राष्ट्रिय मुक्ति मोर्चाले संस्थापक अध्यक्ष सुवास घिसिङको नेतृत्वमा गोर्खा जातिको हक र अधिकारको लड्नु सिकायो ।
जसको फलस्वरूप हामीले गोर्खा किपट अनि भारत देशको प्रथम दर्जाको नागरिकता प्राप्त गर्न सक्यौं । गोर्खाल्याण्ड सोझै प्राप्त गर्न नस्कने भए पछि छैटौं अनुसूची मार्फत हाम्रो भुमिको सुरक्षा गरेर गोर्खाल्याण्ड प्राप्तिको निम्ति छैटौं अनुसूचीलाई माध्यम बनाएको हो तर हाम्रो आफ्नै बुद्धिजीवी , नेताहरुले षड्यन्त्र रची पहाडको भाग्य बिगारेको हो । गोरामुमो गोर्खा जातिको मुद्दामा एक इन्च पनि पछि हटेको छैन । अध्यक्ष मन घिसिङले इमानदारी पुर्वक कार्य गरिरहेका छन् । भारत सरकारलाई बुझाउनु पर्ने सम्झाउनु पर्ने सबै कार्य गरिसकेका छन् ।
अब भारत सरकार को पालो हो बोल्ने । यसैकारण अब हामी नारीहरु पनि जाति र माटोको उन्मुक्तिको निम्ति एक भएर अगि आउनु पर्छ भनिगोरानासं केन्द्रीय समिति अध्यक्षा मणिकला तामाङले अपिल गरेका छन् । आजको सांङ्ठनिक सभामा गोरामुमो केन्द्रीय समिति सदस्यगण , दार्जीलिङ ब्राञ्च कमिटी अध्यक्ष एम जी सुब्बा कालेबुङ ब्लक १,२,३ अनि ४ का प्रतिनिधिबर्ग , गोरानासं दार्जीलिङ ब्राञ्च कमिटी प्रतिनिधि बर्ग , गोरायुमो केन्द्रीय समिति संयोजक आनन्द राई, भ्रातृ संगठनका प्रतिनिधिबर्ग एवं गोरामुमो कार्यकर्ताहरुको व्यापक उपस्थिति रहेको दिनेस साम्पाङले जानकारी दिएका छन् ।
