भारतको भारतीय निर्वाचन आयोग (ECI) ले असम, केरला, तमिलनाडु, पश्चिम बंगाल तथा केन्द्रशासित प्रदेश पुदुचेरीमा हुने विधानसभा निर्वाचनको मिति सार्वजनिक गरेको छ। आयोगले पत्रकार सम्मेलनमार्फत मतदान तथा मतगणनाको विस्तृत तालिका सार्वजनिक गरेको हो।
पश्चिम बंगाल मा कुल २९४ विधानसभा सिटका लागि दुई चरणमा मतदान हुनेछ। पहिलो चरणअन्तर्गत १५२ सिटमा अप्रिल २३ मा मतदान हुनेछ भने दोस्रो चरणअन्तर्गत १४२ सिटमा अप्रिल २९ मा मतदान गरिनेछ।
असम का १२६ सिटका लागि अप्रिल ९ मा एकै चरणमा मतदान सम्पन्न गरिनेछ। त्यस्तै, केरला का १४० विधानसभा सिटमा पनि अप्रिल ९ मै मतदान हुने निर्वाचन आयोगले जनाएको छ। तमिलनाडु मा २३४ सिटका लागि एकै चरणमा अप्रिल २३ मा मतदान हुनेछ। यसैगरी, केन्द्रशासित प्रदेश पुदुचेरीमा का ३० विधानसभा सिटका लागि अप्रिल ९ मा मतदान हुने तालिका तय गरिएको छ।
यी सबै राज्य तथा केन्द्रशासित प्रदेशमा भएको मतदानको मतगणना भने मे ४ मा एकैसाथ गरिने निर्वाचन आयोगले जनाएको छ।
