चिया बोनस-माथि दार्जीलिङ टी एसोसिसन (डीटीए)-ले ८ अगस्त बैठक डाकेको छ। प्लाण्टर्स क्लव डीटीए शाखा कार्यालयमा अपरान्ह ३ बजे हुने सभामा ९ वटा राजनैतिक दलका प्रतिश्रमिक सङ्गठनका दुईजना प्रतिनिधिहरु उपस्थित भइदिने मुख्य सल्लाहकार सन्दीप मुखर्जीले पत्राचार गरेका छन्। यसलाई केन्द्र चिया श्रमिकहरुबीच मिश्रित प्रतिक्रिया देखापरेको छ। अगस्त ५ शुक्रबार पहिलो बैठक शुरु हुने भनिए तापनि कति प्रतिशतको दरमा कहिले चिया बोनसको फैसला हुने भन्ने कुराको टुङ्गो छैन। लगभग दशैंको मुखमा पुगेको यो झमेलामाथि हस्तक्षेसँगै राज्यको श्रम विभागले निकालेको सामाधान सूत्रसित दार्जीलिङको चिया श्रमिकहरु खुशी भएको देखिन्न। घट्दो उब्जनी र श्रमिक संख्याबीचको मुनाफा अनि नोक्सानीको खिँचातानीपछि पछिल्लो ४ प्रतिशतको रहल बोनसको मुद्दा सबैलाई टाउको दुखाइको विषय हुने देखिन्छ। किनभने यो मुद्दामाथि अहिलेसम्म कुनै छलफल हुन सकेको छैन।
