“नशामुक्त भारत”सङ्ग तिमी युथ क्लबद्वारा राष्ट्रिय खेलकूद दिवस

राष्ट्रिय खेलकुद दिवस २०२५ को अवसरमा तिमी युथ क्लबले “नशा मुक्त भारत अभियान” भन्ने मूल नारासहित तिमी नाम्फिङ समष्टि अन्तर्गत तिमी कटलधुरामा एक कार्यक्रम आयोजना ग-यो। कार्यक्रम अन्तर्गत आज फुटबल प्रतियोगिताको फाइनल खेल उत्साहपूर्ण वातावरणमा सम्पन्न भयो। कार्यक्रममा क्षेत्र विधायक बेदुसिंह पन्त मुख्य अतिथिको रूपमा उपस्थित रहेका थिए।विज्ञान तथा प्रविधि विभागका अध्यक्ष एनटी भुटिया, बेन टेरिटोरियलका जिल्ला पञ्चायत सदस्या कान्छिला भुटिया, तिमी बीडीओ रोशन राई, सीएलसी अध्यक्ष फुर्वा छिरिङ भुटिया, युवा संयोजक सन्तोष आचार्य, सरकारी ठेकेदार महेन्द्र गुरुङ, तिमी पुलीस चौकीका एसएचओ जोश्ना गुरुङ, तिमी नाम्फिङ पर्यटन विकास समिति अध्यक्ष अमृत शर्मा लगायत अन्य वरिष्ठ व्यक्तित्वहरूको उल्लेखनीय उपस्थिति रहेको थियो।