सिलगढीको दीनवन्धु मञ्चमा “कानेखुशी”को नाटक “डङ्कुटी डङ्कुटी डङ्गडङ्ग” बुधबार साँझ सफलतापूर्वक मञ्चित गरिएको थियोे। विशिष्ट हास्य-व्यङ्ग्य साहित्यकार कृष्ण प्रधानद्वारा लिखित, समाजसेवी, लेखक र अभिनेता कृष्ण बस्नेतद्वारा निर्देशित अनि समाजसेवी र अभिनेता कृष्ण गुरूङले मुख्य भूमिका निभाएको उक्त नाटक हेर्न धेरै दर्शकहरूको उपस्थिति रहेको थियोे। उक्त नाटकमा कृष्ण गुरूङले धोधोम्बे झाँक्रीको भूमिका निभाएका छन् भने अन्य कालकारहरू भूषण दाहाल- लठीबज्रे, डा. लक्ष्मी देवान- गमशफूल, (लठीबज्रेकी आमा), भिम शर्मा- डुकुलण्ठक, (गमशफूलका श्रीमान वा लठीबज्रेका बुवा), अशोक खवास-धोम्बे वा (झाङ्कीको सहायक), अमित सुब्बा- हाम्पी (लठिबज्रेकी साथी), अनुशा राई- म्याउँची (च्याउँकीकी आमा), आरना छेत्री- च्याउँकी (बाल कलाकार), मणि शर्मा-कमाण्डेण्ट, नोरा चार्ल्स- डीएसपी, भाष्कर मैनाली शर्मा- आइसी अनि सुरेन लामा- (सर) रहेका थिए। उक्त नाटकमा पार्श्व सङ्गीत युजेन लामाले दिएका थिए। सिलगढी नाट्य उत्सव अन्तर्गत नाटक “डङ्कुटी डङ्कुटी डङ्गडङ्ग” मञ्चित गरिएको थियो।
स्मरण रहोस् 3 फरवरी 2019 मा पृष्ठभूमि कला संस्थानको नाटक “गलती कसको ?” मञ्चन गरिएको थियो। जसको लेखक राजु सशाङ्कर अनि निर्देशक कृष्ण गुरूङ रहेका थिए। उक्त नाटक मञ्चनको 6 वर्षपछि “कानेखुशी”को नाटक “डङ्कुटी डङ्कुटी डङ्गडङ्ग” मञ्चित गरिएको थियो।
