सुके जाेरबङ्लाे खण्ड अन्तर्गत धजे चियाकमान नाै नम्बर गाउँका 24 बर्षीय अनिकेत लिम्बू ( सुब्बा) मृगाैला राेगले थलिएपछि उनकाे डाइलाेसिस हाल चलिरहेकाे छ। निम्न वर्गका अनिकेतकाे उपचारकाे लागि सात समुद्र पारि इज्राइलमा कार्यरत भारतीय गाेर्खाहरूकाे समूह मिरिक दार्जीलिङ हिल्स अपार्टमेन्ट समूहले केही साता अघि 27 हजार रूपियाँ उपचारकाे लागि सहयाेग गरेका थिए भने दाेस्राे चाेटी शुक्रबार एक लाख बीस हजार रूपियाँ फेरि सहयाेग गरेकाे छ।उक्त सहयाेग राशि शुक्रबार मिरिक रिपोर्टस क्लब अनि पाेख्रेबुङ रिपोर्टस क्लबका पदाधिकारीहरू बिसन राई, मुस्कान राई खेसाङ, विनाेद प्रसाईं, विवेक सार्की अनि पवन तामाङकाे बाहुलीबाट स्थानीय बसुन्धारा समाजका पदाधिकारीहरू अनि परिवारका सदस्यहरूकाे उपस्थितिमा
राेगी अनिकेत लिम्बू ( सुब्बा)लाई हस्तान्तरण गरे। उक्त सहयाेग राशि प्राप्त गरेपछि राेगीका आमा बाबा अनि राेगी अनिकेतले मिरिक दार्जीलिङ हिल्स अपार्टमेन्ट समूहका सदस्यहरूप्रति आभार प्रकट गरेका छन्।
