दार्जीलिङ,25 फरवरी(निस): गोर्खाल्याण्ड टेरिटोरियल ड्मिनिस्ट्रेसन(जीटीए) प्रमुख थापाद्वारा माउण्ट हर्मन सामुदायिक परिसरको शिलान्यास कार्यक्रममा सम्बोधन गर्दै वरिष्ठ साहित्यकार तथा विधायकको उम्मेदवार विजय कुमार राईले जीटीए प्रमुख थापाको नेतृत्वको प्रशंसा गरे। उनले भने, अनित थापाको नेतृत्वले दार्जीलिङ पहाडका जनतासँग हातेमालो गरेर विकासको मूल फुटाउँदैछ। उनले विकासको मूल फुटाउन मात्र होइन, दार्जीलिङ पहाडको राजनीतिक एवं बौद्धिक चेतनालाई पनि नयाँ दिशातर्फ अग्रसर गराइरहनुभएको छ। राईले थापाको भनाइप्रति समर्थन जनाउँदै भने, अनित थापाले दिएको वचन ढुङ्गामा खोपेको अक्षर हो। उनले आजसम्म जति पनि वचन दिए ती सबै पूरा गरेका छन्।
कार्यक्रममा अमृत योञ्जन (अध्यक्ष, सदर-1 समष्टि), आलोक कान्तमणि थुलुङ लगायतका जनप्रतिनिधि तथा स्थानीय प्रतिनिधिहरूको उपस्थिति रहेको थियो।
