मिरिकमा घरि घरि देखिने विद्युत समस्याबारे स्पष्टीकरण दिंदै मिरिक विद्युत कार्यालयका स्टेसन म्यानेजर ऋषि पाल, एसिस्टेन्ट चार्जम्यान, सुनिल छेत्री, लाइन इन्चार्जहरू पीपी प्रधान अनि बुद्ध तामाङले
उपभोक्ताहरूलाई चौवीस घण्टा नै विजुली उपलब्ध गराउन चाहेको बताए। तर बर्खाको समयमा हावा पानीले कतिपय ठाउँमा रूख, बाँस भाँचिएर अवरोध सृजना गर्नसक्छ। यो अवरोधलाई हटाउन विभागका कर्मचारीहरूले हावा पानी, रात दिन नभनी कार्य गर्ने गरेको बताए। यस्तो गर्दा पनि कहाँ समस्या भएको छ भनेर खोज्न समय लाग्ने बताए। एकै पल्टमा समस्या भेटिए छिटो हुन्छ, तर समस्या थाह पाउन गाह्रो भए समय लाग्ने बताए। यस्तो अवस्थामा पनि विभागीय कर्मचारीहरू चौवीस घण्टाभित्र विजुली सुचारू गरेका नै हुने बताए। उनीहरूले उपभोक्ताहरूलाई पनि सहयोग गरिदिने अनुरोध गर्दै कतिजनाले विजुलीको तारलाई छोएको बाँस या रूख काट्न दिंदैन। वन विभागको अधिनमा रहेको रूख काट्न एनओसी चाहिन्छ। यस्ता कुराहरूले पनि कुनै समय विजुली अनियमितता देखा पर्ने गरेको बताए।
