ग्रुप डी कर्मचारीहरुको तलब तुरून्तै दिइन पर्ने माग

खरसाङ नगरपालिका क्षेत्रमा रहेका ग्रुप डी कर्मचारीहरु र कर्मबन्धुहरुले विगत तीन चार महिनादेखि तलब नपाएको कारणले धेरै असुविधा भईरहेको बौद्ध धर्म गुरु एवं गोजमुमो खरसाङ महकुमा समितिको सभापति पेम्बा रिम्पोर्छेले बताएका छन्। उनले खरसाङमा पत्रकारहरुलाई सम्बोधन गर्दै तलब नपाएको कारणले धेरै असुविधा भइरहेको र नानीहरुको पढाइमा समस्या भइरहेको साथै अन्य धेरै कुराहरुमा असुविधा भइरहेको आरोप लगाएका छन्। उनले खरसाङ बजार क्षेत्रमा रहेको मैलाहरु तीन दिनसम्म कर्मबन्धुहरुले उठाएन भने शहर पूरै दुर्गन्धित हुनेछ भन्दै नगरपालिकाको ग्रुप डी कर्मचारीहरु र कर्मबन्धुहरुको तलब झट्टै नगरपालिकाले पूरा गरिदिने निवेदन गरेका छन्।