दार्जीलिङ, 24 जुलाई(निसं): छिमेकी राज्य सिक्किममा हत्या भएका कल्याण राईको हत्याकाण्डमाथि निष्पक्ष एवं स्वतन्त्र जाँच हुनपर्ने दार्जीलिङ महाविद्यालय छात्र संसदका पूर्व सदस्यहरुले माग गरेका छन्। घटनाको कडा शब्दमा निन्दा गर्दै सिक्किम पुलिस प्रशासनसमक्ष दोषीले कडा सजाय पाउनुपर्ने
आग्रह गरिएको छ।
यसबीच गान्तोकमा भएको निर्मम हत्याकाण्डमा प्राण गुमाउने कल्याण राईको पार्थिव शरीर बुधबार अपरान्ह दार्जीलिङ ल्याइ पुर्याइयो। गान्तोक बसेर काम गर्दै लेबोङ क्षेत्रवासी कल्याण राईको हत्या जिम्मा लिँदै सिक्किम वन विभागमा कार्यरत पूर्व कर्मचारीले गान्तोक सदर पुलिस चौकीमा आत्म समर्पण गरेको जानकारी छ।
