दार्जीलिङ, 5 फरवरी(निसं): दार्जीलिङ-पुल बजार खण्ड अन्तर्गत मृतक कृषकहरुको 22 परिवारहरुलाई दुई-दुई लाख रुपियाँको चेक प्रदान गरियो।
यो रूपियाँ 18 वर्ष देखि 60 वर्षको उमेरमा निधन हुने कृषकको परिवारहरुलाई कृषक बन्धु प्रकल्प योजना अन्तर्गत प्रदान गरिएको कृषि एवम् भूमि सुधार विभागीय सभासद सतिश पोखरेलले जानकारी दिए। मृतक कृषकहरुको परिवारहरूको आर्थिक सहयोग विद्यार्थी नानीहरूलाई पढाइको क्षेत्रमा प्रोत्साहन अनि सहयोग पुगोस् भन्ने ध्येयले प्रदान गरिएको उनले बताए। यो योजना भारतको पश्चिम बंगाल राज्य भित्र
मात्र कृषक परिवारहरुको हितको निम्ति रहेको पनि उनले जनाए भने एक एकार जमीन हुने कृषकहरुलाई
वर्षमा दुई किस्ती गरेर वर विजन किन्ने साथै खेतीपाती गर्नको निम्ति पाँच – पाँच हजार रुपियाँ गरी जम्मा दश हजार रुपियाँ कृषक बन्धु योजना अन्तर्गत वार्षिक रूपमा प्रदान गर्दै आइरहेको पनि उनले अवगत गराए। कृषक परिवारमाहरुको हित र कल्याणको निम्ति राज्यका मुख्यमंत्री ममता बनर्जीले यो योजना लागु गरेको सभासद पोखरेलले बताए। यस बाहेक पनि कृषकहरुको उन्नतिको निम्ति अहिले खेतीपाती सहज रुपमा गर्नको निम्ति वर विजन देखि लिएर घाँस काट्ने, खेत जोत्ने मशिन,पानीको पाइप,ट्याङ्की इत्यादि कृषि विभागले अस्सी प्रतिशत सबसिटी मा दिँदै आइरहेको पनि उनले जनाए। यसको निम्ति कृषि कार्यालय आएर सम्पर्क राख्ने उनले सुझाव दिए। यसदिन कृषि विभागीय अधिकारी अनि मृतक कृषकहरुको परिवारहरू उपस्थित थिए।
