दार्जीलिङको भिक्टोरिया फल्स ब्रीजले काँचुली फेर्ने

दार्जीलिङको भिक्टोरिया फल्स ब्रीजलाई “पश्चिम बङ्गालको हेरिटेज स्थल आयोग” अन्तर्गत अन्तर्भुक्त गरिएको छ। सन् 1912 मा निर्माण गरिएको यो पूल पर्यटकहरूको निम्ति पर्यटकीय स्थल हो भने स्थानीय वासिन्दाको निम्ति आऊ जाऊ गर्ने साँघु पनि हो। एसियाको प्रथम हाइडल प्रोजेक्ट थालिँदा प्रोजेक्टलाई दार्जीलिङ्ग शहरसँग जोड्ने पूल थियो यो।
दार्जीलिङ्गको गरिमाको इतिहास बोकेको भिक्टोरिया फल्स ब्रीजको संरक्षण हुनुपर्छ। दार्जीलिङको इतिहास बोकेको पूलको गरिमा बचाउनु नै दार्जीलिङको गरिमा फर्काई ल्याउनु पनि हो। यो नगरपालिकाको मान्यता अनि विचार हो। यसै सोचमाथि पहल थालिएको दार्जीलिङ्ग नगरपालिका अध्यक्ष दिपेन ठकुरीले विज्ञप्ति जारी गर्दै बताएका छन्।