नेपाली भाषालाई पश्चिम बङ्गाल लोक सेवा आयोग (WBPSC) द्वारा सञ्चालित पश्चिम बङ्गाल सिविल सेवा (Exe) र अन्य परीक्षाहरूमा वैकल्पिक विषयको रूपमा समावेश गरिएकोमा जीटीए प्रमुख अनित थापाले मुख्यमन्त्री सुश्री ममता ब्यानर्जीलाई धन्यवाद ज्ञापन गरेका छन्।
पश्चिम बङ्गाल लोक सेवा आयोग (WBPSC) द्वारा सञ्चालित पश्चिम बङ्गाल सिविल सेवा (Exe) र अन्य परीक्षाहरूमा नेपाली भाषालाई वैकल्पिक विषयको रूपमा समावेश गर्न अनुरोध गर्दै गत 2 जून 2025मा थापाले माननीय मुख्यमन्त्री ममता बनर्जीलाई पत्राचार गरेका थिए। त्यस पश्चात थापाले कोलकाता भ्रमण समय सम्बन्धित अधिकारी अनि विभागमा यस मुद्दालाई उठाएका थिए। त्यही पत्राचार अनि भेटघाटको प्रतिफलस्वरूप नयाँ नोटिफिकेसन आएको थापाले दावि गरेका छन्।
