दार्जीलिङ,9 जनवरी(निसं): अहिले बालुवा बास स्काई वक नजीक स्वीमिङ पुल अनि पार्कको निर्माणले बालुवा बास स्थललाई थप रमाइलो पुग्ने प्रशस्त सम्भावना बढेर गईरहेको छ। सोम,सिङताम र चुङथुङ तीन वटा चियाबारीहरुको संगम स्थल बालुवाबास खोला यसै पनि रमाईलो स्थल हो। जहाँ झोलुङ्गे पुललाई अजय एडवर्डको पहलमा स्काई वक र गाड़ी आऊ जाऊ गर्न सक्ने ब्रिज निर्माण भए पछि स्थानीय मानिसहरू लगायत पर्यटकहरु धेरै आउने गर्छन्
सो अहिले फेरि थप अर्को आकर्षणको योजना सिङताम चियाबारी निवासी रिन्छेन तामाङले आफ्नो निजी खेतबारीमा स्वीमिङ पुल अनि पार्कको निर्माण गरिरहेका छन्। यस योजनाले बालुवाबास थप रमाइलो स्थल भएर जानेछ। अहिले सत्तर प्रतिशत स्वीमिङ पुलको निर्माण भइसकेको छ भने थप योजनाहरू अझ बढाएर लैजाने रिन्छेन तामाङले बताए ।
उनले बताए अनुसार आगामी अप्रेल महिनामा भवयतापूर्वक उद्घाटन कार्यक्रम गरेर स्वीमिङ पुल अनि अन्य योजना चालु हुनेछ।
उनको यस योजनाले पर्यटक अनि स्थानीय मानिसहरूको आगमन शुरू भए पछि बालुवाबास नजीक रहेका मसिना दोकानदार हरुलाई पनि धेरै फाइदा पुग्ने तामाङले जनाए। कुनै एक समय बालुवा बास गिट्टी बालुवा निकाल्नेहरुको निम्ति मात्र एउटा स्थल रहेको थियो।
तर जब बालुवाबास खोलामाथि अजय एडवर्डको सहयोगमा वारिपारिका समाजका सदस्यहरूको श्रमदानमा ब्रिज निर्माण गरियो अनि झोलुङ्गे पुललाई स्काई वक बनाइयो तब देखि बालुवा बास रमाइलो स्थल भएर गएको हो। अहिले थप नजिकै स्वीमिङ पुल अनि पार्कको निर्माणले बालुवा बास अझ रमाइलो भएर जाने निश्चित अवस्था देखिन्छ।
