रङबुल खोलामाथि निर्माणाधीन पुलको ढलाइ सफलतापूर्वक सम्पन्न

रङबुल धोतरिया–रङमुक समष्टि अन्तर्गत रङबुल खोलामाथि निर्माणाधीन पुलको ढलाइ कार्य सफलतापूर्वक सम्पन्न भएको छ। यो पुल निर्माणसँगै रङबुल धोतरिया समष्टिका बासिन्दाहरूका लागि लामो समयदेखि भोग्दै आएको यातायातसम्बन्धी कठिनाइ अन्त्य हुने विश्वास गरिएको छ। यसअघि आफ्नै समष्टिभित्र ओहोर–दोहोर गर्नसमेत अर्काे समष्टि भएर जानुपर्ने वाध्यता थियो, जसले समय, श्रम र खर्च तीनै कुरामा समस्या सिर्जना गर्दै आएको थियो। अब मिलिङ र चन्द्रमान धुराको बाटो हुँदै सहज रूपमा आवत–जावत गर्न सकिने भएपछि स्थानीय जनताको दैनिक जीवनमा ठूलो सहजता आएको छ। विद्यार्थीहरूलाई विद्यालय जान, बिरामीलाई स्वास्थ्य सेवा लिन, किसानलाई आफ्ना उत्पादन बजारसम्म पुर्‍याउन तथा सर्वसाधारणलाई सामान्य आवागमन गर्न यो बाटो अत्यन्त उपयोगी साबित हुने अपेक्षा गरिएको छ। यो पूर्वाधारले न केवल यात्रा छोट्याएको छ, तर सामाजिक, आर्थिक र शैक्षिक विकासमा समेत सकारात्मक प्रभाव पार्नेछ।यस महत्वपूर्ण उपलब्धिका लागि रङबुल धोतरिया–रङमुक समष्टिको तर्फबाट गोर्खाल्याण्ड क्षेत्रीय प्रशासनका सम्माननीय प्रमुख कार्यपाल अनित थापाप्रति हार्दिक कृतज्ञता प्रकट गर्दछौं। उहाँको दूरदर्शी नेतृत्व र प्रशासनको सक्रिय पहलले आज यो सम्भव भएको हो। भविष्यमा पनि यस्ता जनहितकारी विकास कार्यहरू निरन्तर रूपमा अघि बढिरहून् भन्ने अपेक्षासहित, यो बाटोले जनतालाई पुर्‍याएको सुविधाको लागि सम्पूर्ण सरोकारवालाप्रति सभासद राजेश चौहानले धन्यवाद ज्ञापन गरेका छन्।