दल-बल संगै नभए पनि केवल इण्डियन नेशनल कांग्रेस पार्टीका उम्मेदवार सरोजकुमार खत्री एक-दुई जना समर्थकहरूको साथमा भए पनि चुनाव प्रचारमा लागिपरेका छन्।खरसाङ विधानसभा समष्टिबाट कांग्रेस पार्टीको दार्जीलिङ जिल्ला कार्यवाहक अध्यक्ष सरोज खत्रीलाई पार्टीले चुनावमा उतारेको छ। सोही अनुरूप गत केहि दिनदेखि सरोज खत्री खरसाङ विधानसभा निर्वाचन समष्टि अन्तर्गत विभिन्न ठाउँमा एवं क्षेत्रमा चुनाव प्रचारमा लागिपरेका छन्।
यसै क्रममा हिमालय दर्पणसित बोल्दै सरोज खत्रीले जनाए अनुसार, तिनले गत 7 अप्रेलदेखि चुनाव प्रचार शुरू गरेका हुन्। चुनाउ प्रचारको क्रममा गिद्ध पहाड़, महानदी, घैयाबारी, तिनधारे, चुनभट्टी, सुकना, गाड़ीधुरा, चेङ्गा, लोहागढ़, दिलाराम, अप्पर मामरिङ, लोअर मामरिङ, तुरुक, सिटोङ, आदि क्षेत्रमा चुनाव प्रचार गरिएको छ भने शनिवार तकदाह, टिस्टा भ्याली क्षेत्रमा पनि तिनले चुनाव प्रचार गरे। त्यसरी नै खरसाङ निर्वाचन क्षेत्र अन्तर्गत कतिपय स्थानहरू सुखिया पोखरी खण्ड अन्तर्गत पनि रहेकाले ती स्थानहरूमा पनि तिनले चुनाव प्रचार गर्नेछन्।
तिनले बताए अनुसार, आठ-दश वटा गाड़ी लिएर होइन अनि हुलका हुल कार्यकर्ताहरूलाई लिएर पनि होइन् तर तिनले सामान्य रूपमा जनमानसलाई भेट्ने कार्य गरिरहेका छन्। चुनाउ प्रचारको अवधिमा तिनले कांग्रेसको शासन कालमा जुन विकास मूलक कार्य पहाड़मा भएको छ, जुन अपलब्धि गोर्खा जाति अनि पहाड़ले प्राप्त गरेका छन् यी विषयहरूको बारेमा जनतालाई अवगत गराउँदै चुनाउ प्रचार गरिरहेका छन्। चुनाउ प्रचारको अवधिमा विभिन्न ठाउँमा स्थानीय मानिसहरू तिनी सित जोड़िरहेका छन्। खत्रीले थप जनाए अनुसार, कांग्रेस पार्टीको शासनकालमा नै विकास मूलक कार्यहरू पहाड़मा भएका छन्, सामाजिक क्षेत्र, स्वास्थ्य क्षेत्र एवं राजनितिक क्षेत्रमा गोर्खा जातिले धेरै उपलब्धि कंग्रेस पार्टीकै कार्यकालमा पाएको थियो। कांग्रेस पार्टीले नै पहाड़को राजनीतिक समाधान एकदिन गर्नेछ।
