सोनादा, (निसं); राजाहट्टा एक्सप्लोर ग्रुपका सदस्यहरुले नयाँ वर्षको पहिलो दिन प्रकृतिलाई दिएका छन्। यस क्रममा राजाहट्टा एक्सप्लोर ग्रुपका सदस्यहरुद्वारा पर्यटकीय स्थलहरूमा प्लास्टिक र मैलाहरु संकलन गरिएको छ। यस ग्रुपका सदस्यहरुले राजाहट्टादेखि पश्चिम पारमेन चेकपोस्ट हुँदै चटकपुर, तीनमाइल र सोनादा छुटिने तीनबाटो भएको स्थल तथा लालखुट्टीसम्म प्लास्टिक मैला संकलन गरेका छन्।
ग्रुपका सभापति विशाल राईले बताए अनुसार गत 21 दिसम्बर आयोजित डोको ट्रेल रनको प्रारम्भिक रुटमध्ये यही इलाका एक हो जुन सिञ्चेल वन्यजीव अभयारण्यमा पर्ने गर्छ, वन्यजीव इलाकाको सफाईसँगै पहिलो जनवरीमा पर्यटकहरूसँगै स्थानीयहरु घुम्न अनि बनभोज खेल्न चटकपुर जाने गर्छन्। विशेषगरी पश्चिम पटरमेन फरेष्ट चेकपोस्टदेखि लालखुट्टीसम्मको जंगल क्षेत्रभित्र आगो लाग्ने घटनाहरू हुनसक्ने तथा मानिसहरूले फोहोर मैला गर्नसक्ने सम्भावनालाई ध्यानमा राखेर वन विभागकै अपिलमा राजाहट्टालाई प्रतिनिधित्व गर्दै राजाहट्टा एक्सप्लोर ग्रुपका सदस्यहरु स्वंयसेवीको रुपमा खटिएका थिए।
सभापति राईले भने, मौजमस्ती जहिले पनि गर्न सकिन्छ। तर वर्षको पहिलो दिन मनोरञ्जनमै मात्र नबिताएर यो दिनलाई विशेष काममा लाउन सके समाजको कल्याण गर्न सकिन्छ। एक्सप्लोर ग्रुपले स्थापनादेखि नै सरसफाइ र फोहोर प्रबन्धनमाथि कार्य गरिरहेको छ। यही क्रमलाई अघि बड़ाउदै यस दिन प्रकृतिलाई नै दिएको तथा वन विभागसित सहकार्य गर्ने अवसर मिलेको बताए।
