अन्य भाषाका नेपाली विद्यार्थीहरूले नेपालीभाषी विद्यार्थीहरूलाई चुनौति दिएका छन्। त्यो कसरी हो भने आइतबार सिलगढीको नेपाली कल्याण उच्चोत्तर माध्यमिक विद्यालयमा कवि हरिभक्त कटुवालको 91औं जयन्ती पालन गरिएको थियो। उक्त कार्यक्रममा विद्यालयकै एघाह्रौं श्रेणीका पाँचजना विद्यार्थीहरूमध्ये तीनजना अन्य समुदायका थिए। जसमा खुश्बू रेले कविको जीवनी प्रस्तुत गरेकी थिइन्। प्रियङ्का प्रसादले यो जिन्दगी, खै के जिन्दगी, सुहानी साहले रहर कविता प्रस्तुत गरेकी थिइन्। यस्तो हुनु नेपालीभाषी विद्यार्थीहरूलाई एउटा चुनौति भएको कार्यक्रममा उपस्थित दर्शश्रोताहरूले बताएका थिए।
