बिजनबारी,30 जुलाई(निसं): विद्यार्थीहरुलाई पठनपाठन सगै खेलकुद माध्यमसगै देशप्रेमको भावनालाई उजागर गर्ने प्रमुख उदेश्यको साथमा गोक उच्च माध्यमिक बिधालय तथा गोक एक ग्राम पन्चायतको सहयोगमा गोक उच्चतर माध्यमिक बिधालय प्राङ्गणमा भव्यताको साथमा स्वतन्त्रता दिवस पालन गरिने भएको छ। यसबारेमा बिधालय परिवार तथा ग्राम पन्चायतले सयुक्त पत्रकार सम्मेलनको साथमा उक्त कुरा जनाएको छ। विद्यार्थी केन्द्रित रहने यस कार्यक्रममा वरिपरिको विभिन्न सरकारी तथा निजी विद्यालयहरु सहभागीता जनाउने बताइएको छ भने यसबाहेक भलिबल प्रतियोगिताको साथमा विविध सास्कृतिक कार्यक्रम सगै विद्यालय निर्माणमा अतुलनीय भुमिका निभाउने विशेष व्याक्तीहरुलाई सम्मान गरिने आयोजक समितिको सयोजक राज कुमार लामाले बताएका छन। यसका साथै कार्यक्रमले बिद्यार्थीहरुमा देशप्रेम बढाउनुको साथमा आपसी भाइचारा राख्नमा समेत थप टेवा पुर्याउने अपेक्षा गरिएको उनले बताए।
