●खेलकुद

मजुवा, 17 नोभेम्बर(निसं): (देशबहादुर कुलुङ): लंगुरदाङ गेम्स एण्ड स्पोर्ट्स एसोसिएशनको सफल आयोजनामा सम्पन्न, चौंथो सत्र गोल्ड कप फुटबल प्रतियोगिता-2025 रेड पाण्डा च्याम्पियन बन्यो। रेलिङ-कैंजले समष्टि कार्यकारी सभासद सतिश पोखरेलको अध्यक्षतामा सम्पन्न खेलको प्रमुख अतिथि जीटीए सभा अध्यक्ष अञ्जुल चौहानको विशेष  उपस्थिति रहेको थियो भने विशिष्ठ अतिथिहरूमा ग्याछो भोटिया, सञ्जय राई लगायत अन्य विशिष्ट जनहरूको उपस्थितिमा सम्पन्न फाइनल खेल जर्जियन एफसी बनाम रेड पाण्डा सिक्किमको माझ भएको खिताबी लडाइँ खेलमा 1 को विरूद्ध 1 गोल गरेर यथावत् समय सकिएपछि पेनल्टी सुटाउट-मा जर्जीयन एफसीले हारको सामना गर्न पर्‍यो भने रेड पाण्डा सिक्किमले लंगुरदाङ गोल्डकप चौथो एडिसनको च्याम्पियन्स बन्दै आकर्षक ट्रफी सहित नगद पुरस्कार 2 लाख 50 हजार रुपियाँ हत्यायो भने जर्जीयन एफसीले उपविजेताको पुरस्कार नगद 2 लाख सहित ट्रफीमा चित्त बुझाउनु परेको छ।  फाइनल खेलको अध्यक्ष, प्रमुख तथा विशिष्ट अतिथिहरूको बाहुलीबाट प्रदान गरिएको पुरस्कारहरूमा आजको उत्कृष्ट खेलाडीको पुरस्कार सोनुहाङ सुब्बा रेड पाण्डा सिक्किम, पहिलो गोल दाग्ने एलिस राई रेड पाण्डा, प्रतियोगिता भरि कै सर्बोत्कृष्ट खेलाडी देवशिष राई जर्जियन एफसी, उत्कृष्ट दल सीएसए सिक्किम, उत्कृष्ट गोलरक्षक निगम सिङ दार्जीलिङ पुलिसलाई प्रदान गरियो। अध्यक्षको सम्बोधन राख्दै सभासद पोखरेलले भने लंगुरदाङले प्रत्येक वर्ष गोल्डकप आयोजना गरेको हुनुपर्छ। जबसम्म सतिश पोखरेल रहेको हुन्छ लंगुरदाङको गोल्डकप भईरहेको हुनपर्छ। अब आगामी 2026 को एडिसनमा शान्ति ग्रामको अनि धोत्रे शेर्पा गाउँको बाटो भएर पनि लंगुरदाङ गोल्डकपमा आउन सकिन्छ भन्दै गाडीको पक्का सडक निर्माण हुने संकेत दिए। यसैगरि आगामी 2027 को एडिसनमा बतासे भीरगाउँ भएर पनि अलकत्रे बाटोबाट लंगुरदाङ आइपुग्न सकिन्छ भन्दै, यो सतिश पोखरेलको वचन हो भनि स्थानीय वासीहरूलाई विश्वास  दिलाए। यसैगरि जीटीए सभा अध्यक्ष चौहानले पनि सम्बोधन राखेको थियो। विभिन्न रंगारंग कार्यक्रममा बिजनबारी सप्तर्षि एकाडेमीका व्याण्ड, लंगुरदाङ हिमाली विद्या निकेतनका सामुहिक नृत्य प्रस्तुती लगायत स्थानीय प्रतिभाहरूको गायनका साथमा सम्पन्न खेलमा विशिष्ट व्याक्तित्वहरूलाई सम्मन स्वरूप स्मृति चिन्ह प्रदान गरिएको थियो।एलजीएसए-का मुलसचिव सनिप सुब्बाद्वारा सञ्चालन गरिएको फाइनल खेलमा दर्शकहरूले खचाखच भरिएको उक्त लंगुरदाङ खेलमैदानमा सम्पन्न ए डिभिजन सेभेन साइडको यस एडिसन गोल्डकप फुटबल प्रतियोगितामा नेपाल, सिक्किम, कालेबुङ, खरसाङ अनि दार्जीलिङका उत्कृष्ट 16 वटा दलहरूले सहभागिता जनाएको थिए। आजको खेल निर्णायकहरू प्रमुख रोबर्ट राई, सहयोगीहरू शिसन मगर, आदर्श थापा अनि फोर्थ अम्पायर आदित्य राई रहेको थियो।

लामाहट्टा, 15 नोभेम्बर(निसं):स्वर्गीय लमु शेर्पा स्मृति लात्ते भकुण्डो प्रतियोगिताको फाईनल खेल शनिबार लामाहट्टा उच्च माद्यामिक विद्यालय खेल मैदानमा सम्पन्न भयो। तक्दाह-ग्लेनबर्न समष्टि सभासद सन्नी बम्जन मुख्य अतिथि रहेको उक्त फाईनल

दार्जीलिङ,17 नोभेम्बर(निसं): दार्जीलिङको एक प्रतिष्ठित कन्या विद्यालय सन्त तेरेजा उच्चत्तर माद्यामिक विद्यालयको स्थापना सय वर्ष पूरा भएकोमा विद्यालयको भुतपुर्व छात्राहरुको एलले सतवार्षिकी 10 किलोमिटर म्याराथनको आयोजना गरेको थियो। यस कार्यक्रममा