अरुणाचल प्रदेशको चाङ्लाङ जिल्लाअन्तर्गत नम्पोङका प्रतिभाशाली फुटबल खेलाडी विवेक गुरुङ हाल भारतीय सेनाले आयोजना गरेको २१औँ क्याप्टेन जिन्टु गोगोई वीर चक्र स्मृति फुटबल प्रतियोगिता भारतको तेल नगरी असमको डिगबोईमा उत्कृष्ट प्रदर्शन गर्दै चम्किरहेका छन्।
Betmela FC, Chabua का तर्फबाट खेलिरहेका विवेकले दुई लिग खेलमा ४ गोल र ४ असिस्ट गरेका छन्। यसले टोलीको सफलतामा निर्णायक भूमिका निभाएको छ। फेब्रुअरी ०४ मा Rhino Sports Club विरुद्ध टोलीले ७–० को फराकिलो जित निकाल्यो भने फेब्रुअरी १० मा Duliajan Football Academy लाई ६–१ ले पराजित गर्यो। लगातार दुई जितपछि Betmela FC सेमिफाइनलमा प्रवेश गरिसकेको छ। सेमिफाइनल खेल भारतको यो तेल नगरी असमको डिगबोई, Digboi Jubilee Ground मा १२ फेब्रुअरी २०२६, बेलुकी ५:३० बजे हुनेछ।
टोलीमा चाङ्लाङ जिल्लाकै मियाओका Chawjung Chithan, डुम्बाका Dorjee Tsewang, नम्पोङकै Daniel Gurung, साथै CCFC का सहकर्मी Olik Tayeng र Hage Sarbo समेत सहभागी छन्।
विवेक गुरुङको यो शानदार प्रदर्शनले नम्पोङ मात्र होइन, समग्र चाङ्लाङ जिल्लाको र भारतको गौरव बढाएको छ। उहाँको मेहनत, लगनशीलता र खेलप्रतिको समर्पणले आगामी दिनमा अझ ठूलो सफलता दिलाउने विश्वास गरिएको छ।
भारतीय सेनाले आयोजना गर्ने यो प्रतियोगिता युवा खेलाडीलाई आफ्नो क्षमता देखाउने अवसर दिन्छ र भारतको फुटबल र खेलकुद क्षेत्रमा योगदान पुर्याउने महत्त्वपूर्ण मैदान भएको चन्दन गुरूङले जानकारी दिएका छन्।
