श्री कृष्ण प्रणामी धर्मको मूल सिद्धान्त “तुम सेवा से पाओगे पार” भन्ने विचारलाई टेवा पुराउने हेतुले गत वर्ष झैं यस वर्ष पनि महिनाव्यापी वितक सत्रको कार्यक्रममा हिजो “वितक छलमथाङ समिति एवं श्री कृष्ण प्रणामी धर्म सभा छलमथाङ शाखा, श्री कृष्ण प्रणामी युवा परिषद छलमथाङ शाखा” द्वारा रक्त दान शिविरको आयोजन गरियो। स्मरण रहोस् यस वर्ष छलमथाङ शाखामा श्री कृष्ण प्रणामी धर्मको मूल सिद्धान्त एवं इतिहाससँग जोडिएको ग्रन्थसँग आधारित वितक चर्चा सुनाउनुको निम्ति प्रणामी सम्प्रदायको प्राचार्य श्री १०८ महेन्द्र महाराजको उपस्थिति रहेको छ। हिजोको कार्यक्रमको उदघोषिका अम्बिका शर्माले गरेकी थिइन्।
