खरसाङ र मिरिक नगरपालिकामा झट्टै चुनाव गराउने मागमा भारतीय जनता पार्टीले खरसाङ बजारमा पोष्टरिङ गर्नुको साथै खरसाङ महकुमा शासकलाई ज्ञापन पनि बुझाएको छ। विगत 2017 मा चुनाव भएपछि 2022 मा चुनाव हुनु पर्ने तर विगत तीन वर्षदेखि खरसाङ नगरपालिका चुनाव नभएको भन्दै झट्टै चुनाव गराउनु पर्ने मागमा भारतीय जनता पार्टीले खरसाङ बजारको विभिन्न स्थानहरुमा पोष्टरिङ गरेको छ। यसको साथै भारतीय जनता पार्टीको तर्फबाट खरसाङ र मिरिक नगरपालिकामा झट्टै चुनाव गराउने मांगमा खरसाङ महकुमा शासकमार्फत् दार्जीलिङ जिल्ला शासकलाई ज्ञापन पत्र बुझाएका छन्। उक्त पोष्टरिङ र ज्ञापन पत्र बुझाउने टोलीमा भारतीय जनता पार्टी दार्जीलिङ जिल्ला सचिव सोनाम लामा, खरसाङ विधानसभा समष्टिका संयोजक आरबी लामा, भाजपा युवा शक्ति जिल्ला सचिव बिनय प्रसाद, दार्जीलिङ जिल्ला मिडिया प्रभारी चन्दन प्रसाद, पञ्चायत समिति सदस्या एवं खरसाङ गिद्ध पहाड मण्डल सभापति दीक्षा तामाङ लगायत अन्यहरु उपस्थित रहेका थिए।
