भागोप्रमो,भाजपा र टीएमसी समर्थकहरू आइजीजेएफमा सामेल

कालेबुङ जिल्लाको सामसिङ कुमाई क्षेत्रका 55 परिवारहरूले बुधबार इण्डियन गोर्खा जनशक्ति फ्रण्टमा समर्थन जनाए। त्यसरी नै कालेबुङ जिल्लाको 43 नम्बर समष्टिका 25 जना युवाहरूले इण्डियन गोर्खा जनशक्ति फ्रण्टको भिजन र पार्टी केन्द्रीय संयोजक अजय एडवर्डसको इमान्दारितालाई मन पराउँदै पार्टीमा सामेल भए। यी समर्थकहरूलाई आइजीजेएफ केन्द्रीय संयोजक अजय एडवर्डसले खदा लगाउँदै पार्टीमा स्वागत जनाए। इण्डियन गोर्खा जन शक्ति फ्रण्टले आफ्नो गठनकालदेखि नै माटो पनि नछोडने,बाटो पनि नछोडने स्पष्ट बताउदै आएका छन्।माटो भन्नाले अलग राज्य हो भने बाटो भन्नाले विकास हो।इण्डियन गोर्खा जनशक्ति फ्रण्ट तथा अजय एडवर्डस सत्तामा छैन तर पनि आफ्नो गोजीको पैसाले पहाड तराई डुवर्स आदि क्षेत्रहरूमा ब्रीजहरूको निर्माण, समाज घर, सार्वजनिक भवनहरूको निर्माण, बाटोहरूको निर्माण, गरीब बिमारीहरूको उपचार, गरीब विद्यार्थीहरूलाई शिक्षा आदि जस्ता कार्यहरू निरन्तर रूपमा गर्दै आइरहेका छन्।यसले स्पष्ट हुन्छ इण्डियन गोर्खा जनशक्ति फ्रण्टको गठन साँच्चै गोर्खा जातिको उन्मुक्ति र पहाड तराई डुवर्सको विकाससंग संगै जाति उत्थानको निम्ति भएको दावि गरिएको छ। इण्डियन गोर्खा जनशक्ति फ्रण्ट तथा अजय एडवर्डसको यस्तै कार्यहरूले कालेबुङ जिल्लाको सामसिङ, कुमाइ क्षेत्रहरूसंग संगै 43 नम्बर समष्टिको भारतीय गोर्खा प्रजातान्त्रिक मोर्चा, भारतीय जनता पार्टी र तृणमूल कांग्रेसको समर्थकहरूले इण्डियन गोर्खा जनशक्ति फ्रण्टमा समर्थन जनाएको पार्टीको मिडिया प्रकोष्ठले विज्ञप्तिमा उल्लेख गरिएको छ।