दार्जीलिङ,30 जुन(निसं): आइतबार दार्जीलिङ शहर नजिक मध्य भोटिया बस्ती जागृती सेवक समिति भवनमा शंकर राईको सभापतित्वमा गोर्खा जनमुक्ति मोर्चा फुबछिरिङ्ग-पान्दाम समष्टिको एक कर्मी सभा अध्यक्ष बिमल गुरुङको उपस्थितिमा सम्पन्न भयो। सभालाई सम्बोधन गर्दै युवा मोर्चा केन्द्रिय सह-सचिव सोबित राईले वर्तमान राजनैतिक परिवेशबारे जानकारी गराउदै भने, गोर्खा जनमुक्ति युवा मोर्चा केन्द्रिय समितिको एक प्रतिनिधि टोलि , युवा अध्यक्ष नोमन राइको प्रतिनिधित्वमा , अध्यक्ष बिमल गुरुङको विशेष निर्देशमा आगमी 4 अनि 5 जुलाईको दिन बोडोल्याण्ड टेरोटोरियल रिजान-को सम्झौतामा हस्ताक्षर गर्ने अल बोडो स्टुडेन्ट युनियनको महासचिव लरेन्ज इस्लारी अनि उनको सम्पुर्ण टोलि संग भेटवार्ता गर्न 3 जुलाई को दिन असम (बोडोलाण्ड ) प्रस्थान गर्ने जानकारी राईले दिए।
