मिरिक पर्यटन केन्द्रकाे साफ सफाइमा आगामी साेमबार ठूलाे अभियान देखिनेछ। मिरिक पर्यटन केन्द्रमा फलकाे रस(जूस) बिक्री गरिरहेका धिरज गुरूङ अनि उनकी श्रीमती अल्का गुरूङले दुइ साताअघि शुरू गरेकाे सफाइ अभियानकाे क्रममा आगमी साेमबार धिरज गुरूङलाई साथ दिन छेउका पसलका व्यापारी अनि स्वनिर्भर दलका सदस्यहरू पनि जाेडिएर मिरिक झील परिसरमा व्यापक सफाइ अभियान चलाउने भएकाे छ। यस अवसरमा बाेल्दै धिरज गुरूङले मिरिक पर्यटन केन्द्रलाई सफा राख्ने दायित्व सबैकाे हाे ।यही दायित्वलाई बुझेर हामीले सफाइ अभियान शुरू गरेका थियाैं भने आगमी साेमबारकाे दिन धेरै सफाइ अभियानमा सहभागी बन्ने प्रतिवद्धता प्रकट गरेकाे बताए। तिनले साेमबार मिरिक झील परिसर साथै ग्लास हाउस परिसर सफा गरिने जानकारी गराउँदै याे अभियान निरन्तर चल्ने बताए।
