सूचना एवं साँस्कृतिक विभाग मिरिकको आयोजनामा आगमी 13 जुलाईमा मिरिक गोर्खा रङ्गमन्च भवनमा 211 ओै भानु जयन्ती विविध कार्यक्रमको साथमा पालन गरिने भएको छ। सूचना एवं साँस्कृतिक विभाग मिरिकको प्रभारी मिलन राई अनि श्रीमती अम्बिका थापाले कार्यक्रममा सबैलाई सहभागी बनेर आदिकवि भानुभक्त आचार्यलाई स्मरण गर्ने अनुरोध गर्दै कार्यक्रममा सूचना एवं साँस्कृतिक विभागका कर्मचारीहरू लगायत सभासद मिलेस राई, मिरिक लगायत विभिन्न संघ संस्था, विद्यालयका पदाधिकारीहरू, विद्यार्थीहरू पनि उपस्थित रहने बताए। कार्यक्रममा रामायण पाठ प्रतियोगिता, कविता वाचन साथै श्रद्धाञ्जली गीत अनि नृत्यहरू पनि प्रस्तुत गरिने द्वयले जानकारी गराउँदै कार्यक्रमलाई भब्य अनि सभ्य बनाउन तयारी भइरहेको बताए।
