भारतीय गोर्खा प्रजातान्त्रिक मोर्चाको केन्द्रीय कार्यकारिणी समितिको बैठक आगामी बैठक 17 जुलाईमा दार्जीलिङमा बस्ने भएको छ।
सिलगडीमा आइतबार सम्पन्न बैठकमा यस्तो निर्णय गरिएको हो।
तीन घण्टा लामो चलेको उक्त बैठकमा संगठनका विविध पक्षहरू र संगठनले उठाउँदै आएका मुद्दाहरूमा गहन छलफल भएको थियो।
बैठकमा केन्द्रीय अध्यक्ष अनित थापा अनुपस्थित रहेका थिए। उक्त बैठकमा उठेका विषयवस्तुहरू आगामी १७ जुलाईमा दार्जीलिङमा बस्ने केन्द्रीय कार्यकारिणी समितिको बैठकमा अनुमोदन गरिने निर्णय़ गरियो।
त्यसपछि, अनुमोदित विषयहरू जिल्ला, महकुमा तथा समष्टिका नेतृत्वहरूसँग साझा गर्दै आवश्यक निर्देशनहरू जारी गरिनेछ।
पार्टीले संगठनात्मक सुदृढीकरण तथा समसामयिक मुद्दाहरूमा एकमत भएर अघि बढ्ने तयारी गरेको भागोप्रमो केन्द्रीय महासचिव अमर लामाले जानकारी दिएका छन्।
