साहित्यकार कुबीर प्रधानद्वारा लिखित सचित्र बाल गीत संग्रह ‘बाल भाव लहरी’ महानदीमा सम्पन्न एक कार्यक्रमबीच लोकार्पण गरिएको छ। यो कार्यक्रमको अध्यक्षता महानदी सिविटार वरिष्ठ नागरिक कल्याण समाजको संस्थापक एवं स्प्रिङडेल एकादमी सिविटारका प्राचार्य शरणकुमार राईले गरेका थिए भने प्रमुख अतिथिको रुपमा महानदी ग्राम पञ्चायतको पञ्चायत प्रधान पासाङ शेर्पा उपस्थित रहेका थिए। विशिष्ट अतिथिको रुपमा साहित्यकार दिपक प्रधान, महानदी सिविटार वरिष्ठ नागरिक कल्याण समाजको सचिव बीरुनारायण प्रधान, समाजसेवी सूर्यनारायण प्रधान, कवि मिलन प्रधान उपस्थित रहेका थिए। कवि एवं पत्रकार हनोक थापाले सञ्चालन गरेको कार्यक्रममा स्वागत सम्भाषण सकिल प्रधानले राखेका थिए। कार्यक्रममा साहित्यकार कुबीर प्रधानको साहित्यिक परिचय हनोक थापाले राखेका थिए। यसै कार्यक्रममा कुबीर प्रधानद्वारा लिखित तेस्रो कृति सचित्र बाल गीत संग्रह ‘बाल भाव लहरी’ सभाध्यक्ष, प्रमुख अतिथि, विशिष्ट अतिथिहरु लगायत हिरा प्रधान, लेखक कुबीर प्रधान र उनकी पत्नी आशा प्रधान आदिको बाहुलीबाट विधिवत् रूपमा लोकार्पण गरिएको थियो। लेखक कुबीर प्रधानले यो बाल भाव लहरी’ पुस्तक लेख्नुको उद्देश्य र औचित्य विषयमा बोल्दै कार्यक्रममा उपस्थित सबैलाई धन्यवाद दिए। लेखक कुबीर प्रधानले यसभन्दा अघि तीनवटा कृतिहरु – ऊ फेरि फर्केन (कथा संग्रह -2014), मैले गीत लेखेछु, मैले प्रीत लेखेछु’ (गीत संग्रह -2024) र यो ‘बाल भाव लहरी’ (2025) प्रकाशित भइसकेका छन्।
