कारबाही गर्ने पछौटे वर्ग आयोग अध्यक्षको आश्वासन

भारतीय गोर्खा सेवा समाज लखनऊको प्रतिनिधिमण्डलले पछौटे वर्ग आयोग अध्यक्षलाई शुक्रबार भेटेका थिए। प्रतिनिधिमण्डलले उत्तर प्रदेश इन्दिरा भवन लखनऊ अवस्थित कार्यालयमा भेटघाटमा धेरै जिल्लाका जिल्ला अधिकारीहरूले सर्वेक्षण प्रतिवेदनको जानकारी नपठाएको बारेमा अध्यक्षलाई जानकारी गराए। उनले सम्बन्धित शाखाका अधिकारीहरूलाई बोलाएर जिल्ला अधिकारीहरूलाई पत्र पठाउन निर्देशन दिए। त्यसपछि अध्यक्षले प्रतिवेदन प्राप्त भएपछि चाँडै सन्तोषजनक कारबाही गर्ने आश्वासन प्रतिनिधिमण्डललाई दिएको भारतीय गोर्खा सेवा समाज वरिष्ठ उपाध्यक्ष रमेश थापाले जानकारी गराएका छन्।