मुख्यमन्त्री प्रेम सिंह तामाङ-गोलेको प्रेरणा र सहयोगमा गान्तोकको मनन केन्द्रमा राष्ट्रिय नृत्य प्रतियोगिता “क्ल्यास अफ डान्सर्स”को लागि सिक्किम अडिसन भयो। कार्यक्रमको उद्घाटन माननीय अध्यक्ष टाशी छिरिङ भुटियाले गरेका थिए। पहिलो दिन ७४ जना प्रतियोगीहरूले आफ्नो प्रतिभा प्रदर्शन गरेका थिए। समर्पण लामा र नोर्बु लामा अडिसनका निर्णायक रहेको कार्यक्रममा विशेष अतिथि सुपर डान्सर सीजन ४ की विजेता मिस फ्लोरिना गोगोई थिइन्।
उपस्थित प्रमुख विशिष्ट व्यक्तित्वहरूमा उत्तम प्रधान (अध्यक्ष, एसकेएम सांस्कृतिक विंग), डा. मनोज राई (उपाध्यक्ष), मनोज लामा (संयोजक), दास तामाङ (संयोजक), सुश्री कोमल गुरुङ (सचिव १), किरण लेप्चा (सचिव २) र सृजना बस्नेत (सचिव संगठन २) रहेका थिए।
सिक्किमका शीर्ष १० विजेताहरूले नेपालको काठमाडौँमा अन्तर्राष्ट्रिय मञ्चमा भव्य “क्ल्यास अफ डान्सर्स” फाइनलमा राज्यको प्रतिनिधित्व गर्नेछन्।
