खरसाङ, (निसं): खरसाङका चिरपरिचित व्यवसायी एवं ठेकादार अशोक अग्रवाल फरेष्ट हिल्स कन्ट्य्राक्टर वेलफेयर एसोसिएशनका अध्यक्षको पदमा चयन भएका छन्। सोमवार बब्लू लामाको अध्यक्षतामा सम्पन्न भएको एक सभामा अशोक अग्रवाललाई सङ्गठनको अध्यक्ष पदमा चयन गरिएको हो। सङ्गठनको उपाध्यक्षको पदमा बलीराज राई अनि गणेश प्रधानलाई चयन गरिएको छ भने सचिवको पदमा अघिबाटै मृणाल गिरी रहेका छन्।
सभामा सङ्गठनसित आबद्ध रहेका ठेकादारहरूले सामना गरिरहेका विविध समस्या अनि सांगठनिक विषयमा चर्चा गरिएको थियो। सभाको बारेमा जानकारी गराउदै सचिव मृणाल गिरीले भने, सङ्गठमा केही समयदेखि अध्यक्षको पद रिक्त रहेको थियो। जसको कारण साङ्गठनिक गतिविधिका साथै अन्य कार्य गर्नमा कठिनाई भइरहेको थियो। यस समस्यालाई ध्यानमा राखेर सङ्गठनको सभा भइरहेको थियो। सोमवार सम्पन्न सभमा खरसाङ्का चिरपरिचित व्यवसायी एवं ठेकादारलाई सङ्गठनको अध्यक्षको पदमा चयन गरिएको हो। यसको अतिरिक्त उपाध्यक्षको पदमा बलीराज राई अनि गणेश प्रधानलाई चयन गरिएको छ।
तिनले फरेष्ट हिल्स कन्ट्य्राक्टर वेलफेयर एसोसिएशनको गठन 2011 मा भएको बताउदै आफ्नो स्थापनाकालदेखि सङ्गठनले फरेष्ट विभागको विभिन्न कार्यमा ठेकादारी गरिरहेका ठाकादारहरूको कल्याण अनि समस्यालाई लिएर कार्य गरिरहेको छ, आगामी दिनमा पनि सङ्गठनले यस कार्यलाई जारी राख्ने छ भनी थप बताए।
