दार्जीलिङ, 2 फरवरी(निसं): काठमाडौं नेपालबाट आएकी नृत्य कलाकार आस्मा विश्वकर्मा सिलगढीमा आयोजित एक कार्यक्रममा आफ्नो प्रस्तुति दिन आएकी थिइन्, यस अवसरमा अनुसूचित जाति कादस संयुक्त मञ्चको तर्फबाट उनलाई सम्मान प्रशंसा-पत्र प्रदान गरियो भनी अनुसूचित जाति कादस संयुक्त मञ्चले जानकारी गराएकोछ।
अनुसूचित जाति कादस संयुक्त मञ्चको जानकारी अनुसार, कला क्षेत्रमा निरन्तर साधना, अनुशासन र समर्पण मार्फत पुर्याएको योगदानको कदर गर्दै उक्त सम्मान प्रदान गरिएको हो। मञ्चका पदाधिकारीहरूले आस्मा विश्वकर्माको नृत्य यात्राले सांस्कृतिक पहिचानलाई सशक्त बनाएको उल्लेख गरे। कार्यक्रममा मञ्चका उपाध्यक्ष विकास लोहानी लोहार, प्रचार–प्रसार सचिव अविनाश मोथे तथा निर्मल गुरुजी, आशिष सुनाम, भाष्कर सिंगलगायत अन्य प्रतिनिधिहरूको उपस्थिति रहेको थियो।सम्मान ग्रहणपछि आस्मा विश्वकर्माले एकदमै खुसी व्यक्त गर्दै मञ्चप्रति आभार प्रकट गरिन्। उनले भनिन्,सिलगढीमा मेरा धेरै फ्यान फलोअर्स छन्। यहाँको माया र समर्थनले मलाई सधैं उत्साहित बनाउँछ। यस सम्मानले आफ्नो कला यात्रामा थप ऊर्जा र प्रेरणा मिलेको उनले बताइन्।
