दार्जीलिङ पुलिसको निर्देशमा मिरिक पुलिसले ड्रस विरोधी अभियानलाई सक्रिय अभियान चलाउँदै तीस जना पक्राउ गरेको छ। बितेको चार दिनमा पक्राउ गरिएका यी आरोपीहरू नशालु पदार्थ सेवन, ओसार प्रसारको घटनासित सम्बन्धित रहेका छन्। मिरिक महकुमाका एसडीपीओ विनोद कुमार मीना अनि मिरिक थाना प्रभारी सुदीप कुमार विश्वासको नेतृत्वमा मिरिक महकुमाको विभिन्न ठाँउमा ड्रग्स विरोधी अभियान चलाइएको थियो। त्यसक्रममा पक्राउ गरिएका तीस जनाको उमेर 22 देखि 30 बर्षसम्म रहेको जानकारी गराइएको छ।
